Archive for Abril 2011

7º Seminario de Música Moderna e Improvisación de Monforte de Lemos

Abril 30, 2011

Coordinador:

Miguel Rodríguez, profesor de Música do IES A Xunqueira 1 de Pontevedra

7º Seminario de Música Moderna e Improvisación

7º SEMINARIO DE MÚSICA MODERNA E IMPROVISACIÓN DE MONFORTE DE LEMOS.

Do 24 ao 27 de Agosto 2011

Obxectivos

Coñecer a linguaxe da música popular moderna (melódico, rítmico, harmónico e formal) e a súa representación gráfica.

Analizar repertorio dos estilos máis característicos (blues, rock, pop, bossa, jazz…), visual e auditivamente.

Interpretar en conxunto (nas formacións propias de cada estilo) dito repertorio.

Improvisar utilizando a linguaxe propia de cada estilo.

Acompañar de forma repentizada este tipo de repertorio, unha vez coñecidos os seus recursos rítmicos e harmónicos.

Arranxar de xeito elemental un repertorio destas características.

Contidos

Recursos expresivos (bend, growl, ghost notes, slide…)

Esquemas rítmicos e melódicos propios de cada estilo (riffs, grooves, claves latinas, paos flamencos, …)

Acordes (quintas, tríadas, cuatríadas, cuartas, clusters…), cadencias, funcións harmónicas, modulacións

Texturas (ostinato, voz pedal, contrapunto libre, …)

Formas típicas (canción, blues, estándar, rhythm changes…).

Niveis da análise estrutural (secciones, temas, frases, semifrases, motivos, …)

Notación moderna (cifrado americano, notación rítmica da harmonía, slash, tabulado para guitarra e baixo…)

Parámetros da interpretación (articulación, acentuación, fraseo…)

Recursos compositivos: variación (rítmica, harmónica, formal,…), imitación (transporte, enlace, cambio de nivel, cambio de modo, …), e contraste.

Acompañamento concreto (esquemas fixos) e libre/improvisado.

Recursos típicos de arranxos (segundo estilo): background, kicks, 8 s/4 s/2 s, pick ups, unis…

NOTAS:

Estes contidos enúncianse dun modo xeral, xa que se verán repartidos e particularizados en cada un dos grupos (tanto os de COMBO como os de TEORÍA).

A repartición dos grupos realizarase en función da información recibida na solicitude de matrícula, podendo cambiar de grupo ata o segundo día do curso.

MATRÍCULA
Prezo: 100 €
As inscricións poderanse enviar por correo postal ou por correo electrónico.
DIRIXIDO A
Persoas con coñecementos musicais que desexen achegarse á música moderna.
Persoas interesadas en ampliar coñecementos sobre a linguaxe empregada nos distintos estilos da música moderna.
Músicos profesionais, semiprofesionais ou estudantes coa necesidade de ampliar os seus recursos para a interpretación, a improvisación, a escoita, a creación, etc…
Profesores que fan ou queren facer música nas aulas. No seminario ampliaran os seus recursos pedagóxicos.
Poderan participar no seminario músicos de calquera especialidade instrumental.

HORARIOS
Aulas teórico-prácticas. Conservatorio Profesional de música “Mestre Ibáñez”:
10:30 H a 14:00 H    e de    17:00 H a 19:30 H
ALOXAMENTO

Prezo: 30 €, só estancia. Entrada a noite do martes 23 e saída a mañán do domingo 28
Nº de prazas dispoñíbeis: 25. Asignadas por orde de inscrición
Reservas aloxamento: 986 844 104 / 659 474 352
A organización facilitará información sobre outros aloxamentos e restaurantes.


SEDE DO SEMINARIO

Conservatorio Profesional de Música ” Mestre Ibáñez”.
Avda. Emilia Casas Baamonde s/n.
Monforte de Lemos
ORGANIZACIÓN:
A Tempo-Escola de Música
Praza A Castaña, 2 baixo, 36.002 Pontevedra
teléfonos:986 844  104/ 659 474 352
http://www.escolaatempo.com
http://www.novasmusicas.com

atempo.org@gmail.com

 

INFORMACIÓN ADICIONAL
Os grupos practicarán estes contidos nun repertorio axeitado ao seu nivel e composto por temas de diferentes estilos.
Os grupos de traballo formaranse de acordo co nivel teórico e instrumental dos alumn@s.
O grupo-Iniciación estará formado por alumn@s de 12 anos en adiante e con coñecementos básicos de instrumento.

Os asistentes recibirán un diploma acreditativo ao final do seminario.
Ao longo da semana alumnos e profesores terán a oportunidade de participar en diversas sesións musicais organizadas en distintos pontos de Monforte de Lemos.
As prazas son limitadas e asignaránse por orde de inscrición.
Os participantes do seminario terán que levar o seu instrumento, agás pianistas e bateristas, guitarras e baixo eléctrico con amplificador.
Todos os participantes deben traer un atril debidamente identificado.
O coordinador e os profesores estudarán as solicitudes para para elixir o nivel axeitado a cada alumno.

 PROFESORES

Iñaki Askunze

“Premio de Honor” do Conservatorio de San Sebastian. Estudió en Berklee Collage of Music de Boston onde  gradúase co grao de “Magna Cum Laude”  en Interpretación e Composición. Profesor de Harmonía e Arranxos no “Taller de Musics” de Barcelona. Profesor na especialidade de Jazz de Harmonía, Arranxos, Composición e Combo no Conservatorio Superior de Música do País Vasco (Musikene) e de Composición no Conservatorio Superior de Música Pablo Sarasate de Pamplona. Director da “Pirineos Jazz Orquesta”.

Dee Jay Foster (contrabaixo e baixo eléctrico)

Graduado no  Berklee College of Music, de Boston. Estudia con Pat Martino, Dave Liebman, Joe Lovano, entre otros. Toca e  graba en Boston e Nova Yorke con artistas como Hal Crook , Ian Froman, Bob Gulloti, entre outros. No  2005, e elexido por Herbie Hancock e Wayne Shorter como un dos tres finalistas para o “Thelonious Monk Institute of Jazz” en Los Angeles. No 2006 toca en San Francisco, con Mark Levine, Barry Finnerty, e  Mel Martin.

Pascal Morente  ( piano )

Nado en Málaga (1974), onde formase no piano clásico e onde esperta a súa fascinación pola composición ademáis de exercer como mestre de primaria.

Xa en Barcelona,  onde reside dende os derradeiros  anos,  recibe formación no campo da improvisación e da música moderna, tanto na Aula de música do Liceu, como con profesores tales como:  Roger Mas, Albert Sanz o Ignasi Terraza.

No ano 2009 presenta o seu disco “Gertrudis” con  Enrique Oliver, Dee Jay Foster y R.J. Miller.

Actualmente adicase  a docencia, dirixe unha  big-band infantil no  colexio público “La Concepció”, e toca con músicos como:
Santi Colomer quintet, Ugetsu – Homenaje a los Jazz Messengers (con Vicent Macian y Voro Garcia), Enrique Oliver quintet, Guillem Arnedo Trio, ShyKiller y Orkest Paraiso, entreoutros.

Ramón Prats ( batería )

O baterista catalán, Ramón Prats, licencíase en bateria jazz na Escola Superior de Música de Catalunya (ESMUC)
Participou en diferentes seminarios de jazz con profesores como Dave Liebman, Kurt Rossenwinkel, ou Judy Niemack. Tocou en varios festivais de jazz como o de Terrassa, Getxo, Sardeña, Madrid, Valencia, Ibiza…e ten compartido escenario con figuras do jazz catalán: Joan Díaz, Rai Ferrer, David Mengual, Dani Pérez e outros como Perico Sambeat, Martirio, Esperanza Spalding, Greg Ward, Ryan Blotnick ou Larry Price.
Actualmente forma parte de grupos como Adel Lee Davis Big Band (CD editado), Mediterraneum Ensemble (DVD editado), Karión (CD editado), Apnea (Laia Cagigal Quartet) e Nins7.

Ramón Prats xunto ao baterista, Albert Cirera forman Duot, unha proposta musical baseada no dialogo, a improvisación o xogo e a creatividade entre ambos os dous músicos.

Miguel Angel Rodríguez  [coordinador]
Licenciado en Filosofía e CC da Educación especialidade Sicoloxía Clínica (Santiago de Compostela). Profesor Superior de saxofón (Conservatorio de Sta. Cruz de Tenerife ). Director do coro “Cántigas e Agarimos” (Compostela).
Profesor de Secundaria, na especialidade de Música. Director da Big Band “Tejina”, coa que participou na 1ª edición do festival de jazz de La Laguna. Director da orquestra “División Musical”do I.E.S Xunqueira 1, cos que ten gravado o disco “Rock no ensino público”.

FORMULARIO DE INSCRICIÓN
Ingresar o importe da matrícula ( e o importe do aloxamento se fose o caso ) no seguinte nº de conta de
Caixa Galicia:
2091 0126 90 3110000019.

Especificando como concepto do ingreso:
” 7º Seminario de Música Moderna e Improvisación”
Enviar este formulario xunto cunha fotocopia do ingreso a:

A TEMPO –  Escola de Música ,
Praza A Castaña, 2 baixo,
36.002 Pontevedra.

 

 

Apelidos e Nome:
Idade:
D.N.I:
Enderezo:
Nº :                                      Andar:
C.P:                                     Poboación:
Provincia:
Teléfonos:
Correo electrónico:
Instrumento:
Anos de Práctica:
Estudos Realizados:

sinale a opción desexada:
seminario sen residencia 100 €:
seminario con residencia 130 €:

Advertisements